Wonten ing langit setunggal (langit ndunyo),
Rasulullah SAW kepanggih Nabi Adam AS, nomer kaleh kepanggeh dumateng Nabi Isa
AS, ugi kepanggih Nabi Yahya. Lajeng ing langit nomer tigo, Rasulullah
kepanggih Nabi Yusuf AS. Wonten ing langit nomer sekawan Nabi kepanggih
dumateng Nabi Idris AS. Wonten ing langit kaping gangsal, Nabi Muhamad SAW
kepanggeh Nabi Harun AS. Saklajengipun wonten langit nomor enem kepanggih Nabi
Musa AS, wonten ing langit nomor pitu, Nabi kepanggih Nabi Ibrahim AS.
Lajeng Rasulullah SAW minggah dugi sidrotil muntaha
utawi sajarotil muntaha ingkang lajeng minggah maleh dugi mustawa
(panggenanipun seratan sedoyo perkawis ingkang bade dipun tetepaken Allah SWT)
lajeng minggah dumugi Arsy (Nabi Muhamad SAW tetemu, munajat lan mukasyafah
dumateng Allah SWT).
Hadirin Jama’ah Jum’ah Dipunmulyaaken
Allah.
Wonten ing keterangan saklajengipun
bilih Rasulullah SAW nampi setunggalipun perintah inggih punika sholat gangsal
wekdal ingkang fadhilahipun sami kalean sholatipun umat lentunipun ingkang
nglampahaken sholat 50 wekdal setiap dintenipun. Punikalah keutamaan ingkang
dipun paringaken Allah SWT dumateng kita minongko umatipun Nabi Muhamad SAW.
Lajeng saksampunipun punika dipun ngendikaaken:
Setuhune Rasulullah SAW mersani poro
malaikat ingkang sami ngibadah kanthi macem-macem bentu’ipun kanthi benten
antawis setunggal kelompok dumateng kelompok sanesipun. Wonten ingkang sami jumeneng
sak lawase, wonten ingkang ruku’ sak lawase, wonten ingkang sujud sak lawase,
wonten ingkang maos tasbih sak lawase, lan wonten ingkang maos takbir sak
lawase.
Ugi macem-macem tingkahipun, kanthi
dzikir-dzikir ingkang dipun waos. Saksampunipun punika lajeng Rasulullah bronto
dumateng tingkah kala wau lan nyuwun dumateng Allah supados kerso maringaken
amalan punika kagem kiyamba’ipun ugi kagem umatipun. Lajeng Allah SWT mucal
Rasulullah SAW bentuk lan coronipun nglampahaken sholat punika lan maringaken
amalan punika dumateng Rasulullah SAW ugi kita sedoyo kanthi dipun tambahi
amalan waosan Al-Qur’an ingkang khusus dipun paringaken dumateng kita ing
saklebetipun Sholat supados ngetingalaken keutamaanipun tiyang ingkang shalat
ngluwihi keutamaanipun poro malaikat kala wau. Kanthi punika monggo kita jagi
amalan ingkang sampun dipun paringaken dening Allah SWT dumateng kita sedoyo
punika, ampun dipun lerwa’aken Jajanipun Rasulullah SAW naliko nglampahaken
perjalanan Isra’ Mi’roj. Mangertoso bilih sholat punika kados dene walimah
(Pesta) ingkang dipun damel dening rojo. Ingkang dipun cawisaken kanthi
macem-macemipun dedaharan lan unju’an ingkang sedoyo lezat lan kathah
manfaatipun ugi ndadosaken kemeceripun menungso supados saged ngeraosaken
panganan kala wau. Semanten ugi sholat punika minongko pesta ingkang dipun
sediya’aken dening Allah SWT dumateng kita ingkang sampun dipun cawisaken
macem-macemipun tingkah, lan dzikir ingkang benten-benten supados kita saged
ngeraosaken lezatipun sholat punika. Sebab dipun ngendika’aken sakeng Kanjeng
Nabi Muhamad SAW bilih menawi wonten setunggalipun kawulo ingkang sholat kalih
roka’at kanthi madep dumateng Allah kelawan atine, mongko wong iku bakal metu soko
dosane koyo dene lahire bayi sakeng guwo garba ibune. BACA JUGA : Kisah Unik Seorang Pelajar Hasilkan 25 Juta Per Bulan Dari Internet