InoaGroup.com - Alhamdulillah,
wonten kesempatan ingkang agung punika kawula saged paring satunggaling tulisan ingkang temtunipun taksih tebih saking kasampurnan, anamung kawula depe-depe pangayomanipun Gusti mugiyo tulisan ingkang boten sampurna punika saged dipun paringin manfaat. Monggo dumateng sedaya ingkang betahakan langkung-langkung para khatib ingkang ngersakaken materi khutbah Jumat, mugiyo saged ambiyantu. BACA JUGA : Kumpulan Khutbah Jum'at Bahasa Jawa Lengkap 2016
Khutbah Jumat Bahasa Jawa
"Taubat Sakderengipun Ajal"
Oleh : Soli InoaGroup.com
Hadirin sidang jum’at ingkang dipun mulyaaken dening
Allah SWT.
Kita Mukmin minangka kawulanipun Allah
SWT, kathah sanget goda lan coba wonten
dalem agesang, syaithan, jin lan manungsa tansah sareng-sareng nafsu ngajak perkawis
awon. Anamung Allah paring senjata kagem merangi goda lan coba punika, nun
nggih ingkang asma Taubat.
Pangendikanipun Allah SWT wonten
al-Qur’an:
وَاعْتَصِمُوْا
بِالله هُوَ مَوْلاَكُمْ فَنِعْمَ اْلمَوْلىَ وَنِعْمَ النَّصِيْرُ
Ingkang artosipun: “ Podho gondelano siro
kabeh marang tali agamane Allah, sak estunipun Allah SWT iku bendoro siro
kabeh, mongko sak bagus-baguse bendoro iku Allah lan sak bagus-baguse dzat kang
nulungi iku Allah SWT”.
Pramilo
sinten kemawon tiyang ingkang ngelampahi perkawis ingkang awon utawi maksiyat
supados engal-enggal taubat marang Gusti Allah lan nyuwun pengapunten dateng
Allah lajeng dipun sarengi kaliyan amal ingkang sahe soho nebihi dateng
perkawis ingkang awon kolo wau. Keranten sedoyo perkawis ingkang sahe puniko
saged ngelebur perkawis ingkang awon utawi maksiyat. Kados dawuhipun Allah
wonten al-Qur’an :
وَمَنْ
يَعْمَلْ سُوْأً أَوْ يَظْلِمْ نَفْسَهُ ثُمَّ يَسْتَغْفِرِ اللهَ يَجِدِ اللهَ
غَفُوْرًا رَحِيْماً
Artosipun
kirang langkung: “ Sing sopo wonge ngelakoni olo utawi nganiyoyo tumrap
awake dewe nuli podo nyuwun ngapuro marang Gusti Allah, mongko bakal nemu dzat
kang akeh pengapuro lan welase”.
BACA JUGA : Kumpulan Khutbah Jum'at Bahasa Jawa Lengkap 2016
BACA JUGA : Kumpulan Khutbah Jum'at Bahasa Jawa Lengkap 2016
Hadirin sidang jum’at ingkang dipun mulyaaken dening Allah SWT.
Pancen taubat ingkang saestunipun puniko saged ngelebur dateng amal awon ingkang dipun lampahi. Kados pangendikanipun Kanjeng Nabi Muhammad SAW:
Artosipun: “Wong kang taubat iku koyo dene wong kang ora ono dosane (ora duweni doso)”.
Kanjeng Nabi SAW dawuh:
لاَ تَيْئَسُوا مِنْ رَوْحِ اللهِ
Artosipun: “Ojo podo putus asa siro kabeh saking rohmatipun Allah SWT”.
Ananging
sedoyo kolo wau mboten ateges gegampang dateng pengapurane Gusti Allah,
selajeng tansah nindaaken maksiyat lan duroko dateng Allah SWT puniko
boten. Balik monggo poro kaum muslimin sedoyo sami mangertosi bilih ingkang nami taubat inggih puniko mareni agawe maksiyat tumuju toat marang Gusti Allah. Boten namung dipun dipun ucapaken wonten ing lisan kemawon.
Lan taubat puniko ugi wonten syarat-syaratipun, Niyat nebihi maksiat, nggetuni dosa, kagungan sejo mboten mangsuli, nyuwun ngapunten dateng tiyang sanes umpami dosa punika wonten hubunganipun kaliyan tiyang sanes.
Satunggaling dosa ingkang boten dipunampuni nggih punika musyrik utawi nyekutoaken Allah, sanesipun saged
dipun taubati. Milo sumonggo engal-enggal kito ngelampahi taubat
mumpung dereng dumugi ajal. Sebab ajal kito sedoyo puniko boten ngertos
kapan dumuginipun. Lan manawi sampun dumugi puniko boten saged dipun
semayani. Kados dawuhipun Allah wonten ing al-Qur’an:
إِذاَ جاَءَ أَجَلُهُمْ فَلاَ يَسْتَأْخِرُوْنَ سَاعَةً وَلاَ يَسْتَقْدِمُوْنَ
Artosipun: “ Nalikone
ajal utawi pati poro manungso iku wus teko, mongko poro menungso iku
mau ora biso jakuk wektu di akhirake utawi di dhisiake.
Pramilo monggo, sepindah malih mumpung taksih dipun paringi kesempatan enggal-enggal taubat, sakderengipun lawang taubat dipun tutup kanthi dumuginipun ajal. BACA JUGA : Kumpulan Khutbah Jum'at Bahasa Jawa Lengkap 2016
No comments:
Post a Comment