Ma’asyiral Muslimin jamaah jum’ah rokhimakumullah.
Kegem pambukaning khutbah, sumangga kita aturaken puji syukur ing ngarsa dalem Allah SWT, ingkang sampun paring rahmat saha hidayah dhumateng kita sedaya, sahingga wonten ing siyang punika kita sedaya saget nindakaken dawuhipun, kanthi ihklas karana Allah. Mugi-mugia kita saget manggih kawilujengan ing donya dalah ing akhirat. Shalawat saha salam kita aturaken dhumateng junjungan kita Nabi Muhammad SAW. [baca artikel lain bertema Maulid nabi, KLIK DISINI]
...
KHUTBAH JUMAT MAULID NABI
(BAHASA JAWA)
Ma’asyiral
Muslimin jamaah jum’ah rokhimakumullah.
Dene
dipun utusipun Kanjeng Nabi Muhammad SAW, inggih punika :
Minangka Paring Kabar bebingah
Minangka
paring kabar bebingah dhateng sedaya kawulanipun Allah ingkang iman lan taqwa,
lan paring kabar peringatan badhe nampi ukuman saha pidananipun Allah sok
sintena ingkang nrajang awisanipun Allah. Kados kasebat ing QS Saba’ : 28:
“Lan
ingsung ora ngutus marang sira Muhammad, kejaba Sun utus marang sakabehing para
manungsa, kanthi tugas minangka tabsyir utawa aweh kabar bebungah lan tasdzir utawa aweh peringatan. Nanging akeh-akehe
manungsa padha ora ngerti marang tugase Kanjeng Nabi sing mulya iki”.
Minangka Rahmat Welas Asihipun Allah
Minangka
rahmat welas asihipun Allah dumateng kita sedaya para mahkluk. Kados kasebat
ing QS Al-Anbiya’ :107:
“Lan
Ingsun ora ngutus marang sira Muhammad kejaba minangka rahmat welas asih-Ingsun
kanggo sakabehing mahkluk ing sakabehing alam”. (QS Al-Anbiya’ :107).
Minangka Nyempurnakaken Akhlak
Salajengingipun
tugas Kanjeng Nabi Muhammad SAW inggih punika, minangka satunggaling utusan
ingkang kadhawuhaken ndandosi lan nyampurnakaken para manungsa, “Satemene
ingsung diutus dening Allah SWT iku mung kanthi tugas supaya nyampurnakake
akhlake manungsa”. (Al Hadits).
Mesthi
kemawon risalahipun Rasulullah punika boten namung sekedar nyakup tigang warni
kadas ingkang sampun kula aturaken ing nginggil, ananging langkung kathah lan langkung wiyar, nyakup
sedaya urusan wiwit urusan ing ndonya ngantos babagan keakhiratan. Sedaya dipun
aturaken secara komplit lan sampurna. Sahingga
Kanjeng Nabi Muhammad SAW punika mujudaken satunggalipun priyagung
ingkang paripurna, ingkang kedah dipun teladhani lan dipun conto dening sedaya
umat manungsa punika, temtu kemawon wonten sebabipun ingkang gumathok, inggih
punika saking kasilipun nindakaken misi lan perjuanganipun minangka rahmat kagem sedaya mahkluk.
Panjenenganipun ugi kasil ngangkat derajatipun para manungsa saking panggenan
ingkang asor lan nistha dhateng panggesangan ingkang linurup dening budi
pekerti ingkang luhur.[baca artikel lain
bertema Maulid nabi, KLIK DISINI]
Ma’asyiral Muslimin jamaah jum’ah rokhimakumullah.
Hadits pangandikanipun Rasulullah lan ayat Al-Qur’an ngendikanipun Allah SWT punika jelas sampun kita pahami, makna saking Kanjeng Nabi Muhammad SAW ingkang jumeneng Rasul, ingkang penting saking anggen kita badhe mrengeti wiyosanipun Njeng Nabi inggih punika kita sampun saged ngamalaken punapa dereng. Liripun yen kita kepingin pikantuk rahmat welas asihipun Allah lan kepingin pikantuk kanugrahan saha kawilujengan ing doya dalah ing akhirat, kita kedah purun nindakaken sedaya ingkang dipun dawuhaken dening Allah saha nilaraken sedaya awisanipun Allah, lewat punapa ingkang sampun dipun aturaken Kanjeng Nabi Muhammad SAW minangsa utusanipun Allah. Sahingga Iman lan taqwa dados harga mati. Ingkang kedah turus kita pertahanaken murih saya ningkat saha mantep.
Sebab kita yakin bilih tujuan kita sami, kita kepingin mulya gesang ing donya lan gesang ing akhirat mbenjang. Nanging kados dene lare sekolah ingkang mbetahaken ujian kangge tandha kelulusanipun, kita ing donya ugi boten badhe uwal saking ujianipun Allah. Mila saking punika, Kanjeng Nabi Muhammad SAW dipun utus dening Allah kangge paring pepadhang dateng sok sintena ingkang nembe nandang pepeteng, lan paring pitedah dhateng sok sintena kemawon ingkang kesasar.[baca artikel lain
bertema Maulid nabi, KLIK DISINI]
Para sederek, ngengingi tujuan gesang punika, Allah sampun ngendika wonten ing QS Al-Qashash :77 :
“Lan sira golekana marang apa wae kang wis diparingake Allah marang sira (kang arupi kebahagiaane) kampong akhirat, nanging aja nganti sira nglalekake bageanira saka kadonyan, lan tumindaka becik kaya anggone Allah wis paring kabecikan marang sira”.
Ing ngriki Allah SWT nandesaken malih, bilih anggayuh kebahagiaan kangge salami-laminipun ing kampung akhirat, sampun ngantos ngorbanaken kebahagiaan ing alam donya, makaten kosok wangsulipun. Ananging kita kedah kagungan keyakinan bilih saben-saben amal tumindak ingkang kita tindakaken punika kedah ngasilaken biji akhirat. Wilujeng awit ing donya ngantos ing akhirat, amin ya rabbal ‘alamin.
RAMADHAN 2014
tags :
facebook